青心直說 [胡孟青] 2011 06 08

[size=3][color=#0000ff][b]市場擺動源於矛盾[/b][/color][/size]
[size=3][color=#0000ff][/color][/size]
港股遭空軍大圍攻，拋空比例繼續超過大市成交一成，恒指在半年內第三度逼近 250日線支持，究竟今次係跌破三底 6月飛霜席捲股市，抑或三底反彈，觀察大戶手影，答案呼之欲出。假如不是再傳社保基金百億資金入市，睇怕好難製造炒作題材。煤炭、水泥始終處於產業最上游，即使壓煤價、加電費都只係跌一大棍就有資金承接，打不死不外乎市場錢多，但錢多唔等於「神馬」都買，資金因內地收水而班資回朝，影響所及，唔見得有概念、有題材就可以頂得住。
一句到尾，國策扶持嘅多數係唔掂嘅行業，國策要㩒嘅反而係最掂嘅一批，可惜國策多變，到了頭痛醫頭腳痛醫腳自亂陣腳地步，結果係掂嘅被質到體無完膚，唔掂嘅繼續冇運行，最後一鑊熟。

利淡利好任人解讀
人本來就係矛盾嘅動物，港鐵（ 066）加價，如果你只是乘客，當然反對，但如果你既是乘客又是港鐵小股東，可能會一半贊成、一半反對；又如果你冇樓揸手，固然希望樓價快啲跌，但冇樓卻手持一兩手地產股，你會否一半想樓價跌、一半想升？
正如投資市場經常出現今日利淡，明日反過來變利好的消息。目前全球對經濟放緩，甚至雙底衰退憂慮升溫，這份驚恐令市況變得波動，而經紀最愛波動市。不過，歷史正在不斷重演，更差的數據可能稍後再成為支持市況反彈理由。原因嘛！昨日擔心收緊銀根及即將加息，但只要數據再差下去甚至更差，進一步印證經濟持續放緩，為經濟數據打工的財金官員當然會延續寬鬆政策，要股市反彈又有何難？
股票市場是遊戲一場，人人都是過客，只要不揸重貨，但又不至於完全冇貨，輕身上路之餘，冷不防越墮落越快樂也可以成為概念。

來源 :mysinablog